मटा ऑनलाइन वृत्त । वॉशिंग्टन
जगण्याच्या धावपळीत अनेक अडीअडचणींना आणि संकटांना तोंड देत आपण पुढे जात असतो. कामाच्या रगाड्यात आपली चिडचिड होते तसा रागाचा पारा चढतो. पण आता हे थांबवा. कृतज्ञ व्हा अन्यथा ह्रदविकाराला सामोरे जा, असा इशारा देण्यात आला आहे.
सहकारी, मित्र, डॉक्टर आरोग्य तज्ज्ञ, आरोग्य मासिकं, लेखांमधून आपल्याला अनेकदा (फुकट) सल्ले मिळतात ते आनंदी आणि हसतमुख राहण्याचे. पण हे खरं ठरतंय. कारण आपल्या आरोग्य आणि आनंदासाठी अमेरिकेत संशोधन करण्यात आलं आहे. सतत आनंदी राहिल्याने तुमचा मूड चांगला राहतो. तुम्हाला शांत झोप लागते. सकारत्मक दृष्टीकोन आणि स्वीकारण्याची तयारी ठेवा. तरच तुम्ही ह्रदविकाराचे रुग्ण होण्यापासू वाचू शकता, असं संशोधनातून समोर आलं आहे.
कॅलिफोर्नियाच्या सॅन डियागो इथल्या विद्यापीठातील प्राध्यापक पॉल जे मिल्स यांनी ह्रदयाशी संबंधित एक संशोधन केलं आहे. मिल्स हे विद्यापीठात फॅमिली मेडीसीन आणि पब्लिक हेल्थ या विषयाचे प्राध्यापक आहेत. त्यांनी केलेल्या संशोधनात १८६ महिला आणि पुरुषांनी सहभाग घेतला. संशोधनात खासकरून 'अध्यात्मिकता आणि आभार मानने' या मुद्द्यांवर भर दिला गेला. 'उदार मनाने इतरांचे आभार मानल्यास आणि सतत आध्यात्मिकतेच्या संपर्कात आल्यास तुमचं मन कायम प्रफुल्लीत राहतं. निवांत झोप लागते. संताप येत नाही. त्यामुळे तुमचं ह्रदयही ठणठणीत रहातं. अन्यथा ती व्यक्ती ह्रदयविकाराची रुग्ण होणं आहे, असं संशोधनातून समोर आल्याचं मिल्स यांनी सांगितलं.
मोबाइल अॅप डाउनलोड करा आणि राहा अपडेट
