रवींद्रनाथ असं या मुलाचं नाव आहे. त्याचं तोंड सुजल्याने दात किडला असेल म्हणून त्याच्या कुटुंबीयांनी त्याला डॉक्टरकडे दाखवले. त्यावेळी त्याच्या हड्डीच्या जबड्याला अनेक दात जोडलेले असल्याचं डॉक्टरांच्या निदर्शनास आलं. त्यामुळे डॉक्टरांनी सर्जरी करून त्याचे २१ दात वगळता सर्व ५२६ दात बाहेर काढले. चेन्नईच्या सविता डेंटल कॉलेजमध्ये ही सर्जरी करण्यात आली.
ही सर्जरी करण्यासाठी मुलाचे पालक तात्काळ तयार झाले होते. रवींद्रनाथला मात्र समजावण्यात डॉक्टरांना बराच वेळ घालवावा लागला. त्याची संमती मिळताच ऑपरेशन सुरू करण्यात आलं. तब्बल पाच तास हे ऑपरेशन चाललं. डॉक्टरांनी त्याच्या तोंडातून ५२६ दात काढले असले तरी दात नेमके कशामुळे आले? याचं कोडं मात्र डॉक्टरांना अद्याप सुटलेलं नाही. मोबाईल टॉवरच्या रेडिएशनमुळे आणि अनुवांशिक कारणामुळेही हे होऊ शकतं, असं सविता डेंटल कॉलेजचे डॉक्टर सेंथिलनाथन यांनी सांगितलं. रवींद्रनाथनची सर्जरी करणं गरजेचं होतं, असंही ते म्हणाले.
रवींद्रनाथ तीन वर्षाचा असतानाच त्याच्या गळ्याला सूज आली होती. सरकारी रुग्णालयात नेल्यानंतर त्याचं चेकअप करावं लागेल असं डॉक्टरांनी सांगितलं होतं. मात्र त्याला रविंद्रनाथनं नकार दिला होता. मात्र वाढत्या वयाबरोबर त्याची दातदुखी वाढत गेल्याने अखेर त्याला सविता डेंटल कॉलेजात आणून विविध टेस्ट करण्यात आल्या. त्याचा एक्स रे आणि सीटीस्कॅनही करण्यात आला. त्यांनतर ११ जुलै रोजी सर्जरी करून त्याचे दात काढण्यात आल्याचं रविंद्रनाथच्या वडिलांनी सांगितलं. दरम्यान, यापूर्वी २०१४मध्ये मुंबईतील एका मुलाच्या तोंडातून २३२ दात काढण्यात आले होते.
मोबाइल अॅप डाउनलोड करा आणि राहा अपडेट