केस काळे करण्याचा नैसर्गिक उपाय, चहा पावडरचा असा करा वापर

चहा तयार केल्यानंतर बहुतांश जण चहा पावडर कचऱ्याच्या डब्यात फेकतात. कारण चहा प्यायल्यानंतर चहा पावडर टाकाऊ घटक झाल्याचा आपला समज आहे. पण या चहा पावडरचा तुम्हाला कित्येक प्रकारे वापर करता येऊ शकतो. यापैकीच एक म्हणजे चहा पावडरचा तुम्ही हेअर डाय म्हणून वापर करू शकता. चहा पावडरच्या मदतीनं तुमच्या पांढऱ्या केसांना नैसर्गिकरित्या काळा रंग मिळेल. चहा पावडरमध्ये टॅनिन अॅसिड असतं, या गुणधर्मामुळे पांढरे केस काळे होतात. चहा पावडरसोबत अन्य घरगुती सामग्रीचाही समावेश करू शकता.
(वाचा : घरगुती लोणच्यामुळे आजारांपासून होतं संरक्षण, ऋतुजा दिवेकरनं सांगितले मोठे फायदे)
जाणून घेऊया चहा पावडरमुळे पांढरे केस कसे काळे होतात?
पहिली पद्धत :
सामग्री-
१ लीटर पाणी
१० चमचे चहा पावडर/ टी बॅग
(वाचा : लसूण तेल : त्वचा-केसांच्या समस्यांवर रामबाण उपाय)
विधि -
एका पॅनमध्ये पाणी उकळण्यास ठेवा. त्यामध्ये १० चमचे चहा पावडर टाका. मध्यम आचेवर चहा पावडर उकळत ठेवा. यानंतर गॅस बंद करा आणि चहाचं पाणी थंड होण्यास ठेवून द्या. एका हेअर ब्रशच्या मदतीनं चहा पावडरचं मिश्रण आपल्या केसांना त्यांच्या मुळांपर्यंत लावा. ३० मिनिटांसाठी हा पॅक केसांना लावून ठेवा आणि त्यानंतर कोमट पाण्यानं केस स्वच्छ धुवा.

दुसरी पद्धत
सामग्री-
१ लीटर पाणी
१० चमचे चहा पावडर
६ चमचे कॉफी
(वाचा : केसांना तेल लावताना घ्या ‘ही’ काळजी, नाही तर पडेल टक्कल)
विधि-
एका पॅनमध्ये पाणी आणि चहा पावडर एकत्र घ्या. चहा पावडर उकळल्यानंतर त्यामध्ये कॉफी पावडर देखील मिक्स करा. पाच मिनिटांसाठी हे मिश्रण उकळू द्यावे. नीट उकळल्यानंतर गॅस बंद करावा आणि मिश्रण थंड होण्यास ठेवावे. मिश्रण गाळून घ्यावे आणि संपूर्ण केसांना लावा. ३० मिनिटानंतर कोमट पाण्यानं केस स्वच्छ धुवावेत.

(वाचा : घरीच करा केसांच स्ट्रेटनिंग)
किती दिवस करावा लागेल हा उपाय?
केस काळे करण्याची ही पद्धत अंमलात आणल्यास तुमचे पांढरे केस लगेच काळे होणार नाहीत. पण मार्केटमध्ये मिळणाऱ्या केमिकलयुक्त डायऐवजी ही पद्धती नैसर्गिक आणि दुष्परिणाम विरहित आहे. केस काळे करण्यासाठी आणि नैसर्गिक चमक मिळवण्यासाठी याचा प्रयोग एक दिवसाआड करावा.
(वाचा : सावधान! घरातल्या ‘या’ 5 वस्तूंमुळे तुमच्या जिवाला आहे धोका)
(वाचा : एक असा फोटो जो कायमचा विसरणं पसंत करेल करीना कपूर)