सांगा कसं जगायचं? कण्हत कण्हत की गाणं म्हणत?....'बुपा' यूके फाऊंडेशननं केलेल्या अभ्यासातून दीर्घायुषी आणि आनंदी जगण्याचा 'मार्ग' सापडला आहे. सदा आनंदी राहण्यासाठी गॉसिप्स, स्वच्छ सूर्यप्रकाश, ताजी हवा आणि ऑफिसात बसून काम न करणे गरजेचे आहे, असे या सर्व्हेत सहभागी झालेल्या व्यक्तींनी सांगितले.
आरोग्य क्षेत्रात काम करणाऱ्या 'बुपा'नं 'केअर होम ओपन डे'चे आयोजन केले होते. यात ५५ वर्षांवरील जवळपास २००० जणांचा अभ्यास करण्यात आला. वयाच्या ४९ व्या वर्षी पहिल्यांदा आनंदी जीवन जगण्याचा मार्ग सापडल्याचं अनेकांनी सांगितलं. दिवसातून किमान आठ तास झोप, ग्रामीण राहणीमान आणि प्रेमळ जोडीदार असेल तर आनंदी राहता येतं, असं अनेकांचं म्हणणं आहे.
बुपा यूके केअर सर्व्हिसेसचे मॅनेजिंग डायरेक्टर जॉन इलिऑट यांनी सांगितलं, की 'समाधानी आणि आनंदी जीवन जगण्याची प्रत्येकाची एक विशिष्ट थिअरी असते. पण, जुन्या पिढीतील अनुभवी लोकांचे जीवनातील अनुभव त्यात अंतर्भूत करणे महत्वाचे आहे.' सर्व्हेत सहभागी झालेला प्रत्येक जण त्याचं आयुष्य आनंदानं जगतोय हे पाहायला मिळालं, असंही त्यांनी सांगितलं.
आनंदी आणि दिर्घायुष्याचे मार्ग:
>> प्रेमळ जोडीदार
>> एकत्र कुटुंबात राहा
>> दररोज हसत राहा
>> नियमित व्यायाम
>> घराबाहेर पडा आणि निसर्गाचा अनुभव घ्या
>> दिवसातून किमान आठ तास झोपणे
>> प्राणी पाळणे
>> गरजेइतका पैसा कमवा
>> आवडत्या क्षेत्रातील नोकरी
>> मुलं/नातवंडांसोबत खेळा
>> छंद जोपासा
>> जवळचा मित्र असावा
>> संगिताची आवड जोपासा. गाणी ऐका
>> परोपकाराची कामे करा
>> दररोज वाचन करा
>> खूप मित्र जोडा
>> सेक्स लाइफ
>> कमी कालावधीच्या खूप सुट्ट्या घ्या
>> योग्य आहार
>> दररोज न्याहारी करा
>> जगभ्रमंती
>> मद्यपान करू नका
>> दरवर्षी दीर्घकालीन सुट्टीवर जा
>> सुडोकू खेळा
>> कोडे सोडवा
>> आवडते कार्यक्रम पाहा
>> पाककला
>> योग आणि ध्यानधारणा
>> आवडते पदार्थ खा
>> समाजातील विविध उपक्रमांमध्ये सहभागी व्हा
>> दान-धर्म करा
>> काही वेळ एकटे राहा
>> क्रीडा महोत्सव किंवा संगीत महोत्सवाला उपस्थित राहा
>> समुद्रकिनारी फिरा
>> ऑफिसमध्ये बसून काम करू नका
>> गॉसिप्स करणे
>> चित्रे काढा
>> चांगल्या कामाचं एकदा तरी कौतुक करा
>> सकाळी लवकर उठा
>> दररोज इतरांचे कौतुक करा
मोबाइल अॅप डाउनलोड करा आणि राहा अपडेट
