डाएटशियन निवडा जोखमीनं
बॉलिवूडमुळे डाएट आणि त्याबाबत सल्ला-समुपदेशन याला सध्या वलय प्राप्त झाले आहे. कलाकारांना वजनवाढीसाठी आणि कमी करण्यासाठी आहार देणाऱ्या तज्ज्ञांची मागणीही यामुळे वाढली. मात्र, आपण प्रत्यक्ष आयुष्यात डाएटिशन निवडताना काळजी घेणे आवश्यक आहे. सध्या क्रॅश कोर्सने त्यांचे पेव वाढत असताना अत्यंत जोखमीने स्वत:चा आहाराचे नियोजन योग्य व्यक्तीच्या हातात सोपवले पाहिजे.
१. डाएटिशियनने किमान बीएस्सी न्यूट्रिशन किंवा लाइफ सायन्समध्ये पदवी घेतलेली असावी. त्यानंतर यामध्ये पदव्युत्तर शिक्षण घेतले असेल, तर त्याहून उत्तम.
२. इंडियन डाएटेटिक्स असोसिएशनमध्ये नोंदणी किंवा लाइफ मेम्बरशिप. बीएस्सी केलेल्या डाएटेशियनलाच ही संस्था मेम्बरशिप देते.
३. तीन ते पाच वर्षांची इंटर्नशिप
४. कमीत कमी दिवसांत वजन कमी करण्याचे आश्वासन देणाऱ्या, विशिष्ट कृत्रिम पावडर, गोळ्या घेण्याचाच आग्रह करणाऱ्या डाएटेशिनपासून सावधान.
५. ऑनलाइन खरेदी करण्याप्रमाणे आपला डाएटेशियन निवडा असे सांगणारे अनेक पेजेस सध्या सुरू आहेत. अनेकदा स्वानुभवावर हे डाएटेशिनय काम करत असतात. त्यामुळे त्यांचे फंडे दुसऱ्याला लागू होतील असे नाही. तसेच, कोर्सचे बुकिंगही ऑनलाइन करता येते. त्यामध्ये घसघशीत सवलत दिली जात असल्याने लोक फसले जातात. त्यामुळे जबाबदारीने डाएटेशियन आणि कोर्स निवडला पाहिजे.
६. वर्तमानपत्र किंवा कोणत्या हेल्थ मासिकात जाहिरात आली म्हणून लगेचच त्या आहारतज्ज्ञाकडे धाव घेऊ नका. त्याची हिस्ट्री, सक्सेस रेशो नक्की तपासा. यामध्ये सेकंड ओपिनियन घ्यायला हरकत नाही.
७. त्याच्याकडे देताना तुमच्या शरीराची, अॅलर्जीची, न पचणाऱ्या पदार्थांची व्यवस्थित माहिती द्या. त्यांच्यापासून काही लपवू नका. जो तज्ज्ञ तुमची मेडिकल हिस्ट्री न घेता तुमच्यावर टिप्सचा भडीमार करत असेल, तर सावधान.
८. त्याने दिलेल्या डाएटचा तुमच्या शरीरावर काय परिणाम होतोय, हे वेळावेळी सांगा. आहार घेऊनही उपाशी असल्यासारखे वाटणे, उलटी-मळमळ, पोट जड होणे, वजन वाढणे या तक्रारी वेळोवेळी त्याच्यापर्यंत पोहोचवा. अगदी अंधविश्वास ठेवायला जाऊ नका.
मोबाइल अॅप डाउनलोड करा आणि राहा अपडेट