साबणामुळे त्वचा ड्राय होण्याची शक्यता लक्षात घेऊन साबणात कोणते कंटेट आहेत, याची माहिती घ्या. कोणता साबण आपल्या त्वचेच्यादृष्टीने योग्य आहे, याची माहिती घेऊन वापरला जावा.
हिवाळ्यात त्वचा सॉफ्ट राहण्यासाठी त्वचेला सूट होईल अशीच क्रीम अथवा बॉडीलोशन वापरावे.
थंडीत कडक पाण्याने आंघोळ केल्यामुळे त्वचा जास्त ड्राय पडू शकते. त्यामुळे शरीराला मानवेल एवढे गरम पाणी आंघोळीसाठी घेतले जावे.
गाडी चालविताना हाताची त्वचा कोरडी पडू नये म्हणून हाताला क्रीम किंवा लोशन लावून त्यावर ग्लोज घालावेत.
स्वेटर, कानटोपी गाडी चालविताना वापरा. शक्य असेल तर हेल्मेटचा वापर करा. थंडीमुळे हाताच्या बोटांनाही त्रास होण्याची शक्यता असल्याने गाडी चालवताना हँड ग्लोजही वापरणे इष्ट असते.
थंडीत पायांना भेगा पडत असतील तर कोमट पाण्यात गुलाबपाणी टाकून त्यात थोडा वेळ पाय ठेवावेत. तसेच डॉक्टरांच्या सल्ल्याने योग्य क्रीम वापरा.
पाय कोरडे पडू नयेत म्हणून डॉक्टरांच्या सल्ल्याने लोशन अथवा क्रीम लावावे. एखादी शरीराला सूट न होणारी क्रीम वा लोशन असेल तर ते लावल्याने रिअॅक्शनही येऊ शकते. त्यामुळे त्यादृष्टीने काळजी आवश्यक.
थंडीच्या दिवसांमध्ये ओठांची काळजी घ्यावी. ओठ कोरडे पडल्याने त्याला भेगा पडू शकतात. ओठांना लीप लोशन किंवा लीप बाम लावून घराबाहेब पडावे. ओठांना लोणी, दुधाची साय अथवा गावरान तूपदेखील लावू शकता.
घरातही शक्यतोवर स्लीपरचा वापर करावा. अनवाणी पायाने फिरणे टाळावे. त्यामुळे सर्दी, पायदुखी, टाचादुखीचा त्रास होत राहतो.
मोबाइल अॅप डाउनलोड करा आणि राहा अपडेट