मुंबई टाइम्स टीम करोनाचा संसर्ग टाळण्यासाठी चेहऱ्याला हात न लावणं, सारखे हात धुणं अशा सूचना डॉक्टर किंवा तज्ज्ञ वारंवार देत आहेत. पण, वारंवार हात धुतल्यानं त्वचा कोरडी होण्याची शक्यता नाकारता येत नाही. त्वचेतील नैसर्गिक मृदुपणा किंवा तेल कमी होऊन त्वचा खरखरीत होते. पोषणमूल्यांच्या अभावामुळे त्वचेला इजा होऊ शकते. त्यामुळे हाताच्या त्वचेचा कोमलपणा टिकवून ठेवण्यासाठी काही टिप्स... - हाताचा प्रत्येक भाग म्हणजे नखे आणि त्याच्या भोवतालचा भाग, बोटांमधील भाग स्वच्छ धुवावा. - साधारण २० सेकंद हात कोमट पाण्यानं धुणं आवश्यक आहे. - हात स्वच्छ टॉवेलने कोरडे करा, पण हातांना ओलावा देखील राहील याची काळजी घ्या. - साबण आणि पाण्यानं हात धुणं शक्य नसल्यास सॅनिटायझरचा वापर करा. जंतू मारण्यासाठी कमीत कमी ६० टक्के अल्कोहोल असलेलं सॅनिटायझर वापरण्यावर भर द्या. - सॅनिटायझरच्या अति वापरामुळे हातांना कोरडेपणा येऊ शकतो, म्हणून हाताना वेळोवेळी मॉइश्चराइजर लावा. हँड क्रीम किंवा बाजारात उपलब्ध असलेल्या मॉइश्चराइजरचा वापर करा. बोटांच्या टोकांना, नखांना जास्त मॉइश्चरायझर लावा ठेवण्याचा प्रयत्न करा. - मिनरल ऑइल आणि कृत्रिम सुवासाच्या रसायनांचा वापर कमी असलेलं हँड क्रीम वापरण्यावर भर द्या. संकलन- लीना देशमुख, आरकेटी कॉलेज
मोबाइल अॅप डाउनलोड करा आणि राहा अपडेट