कोरोनाचा धोका मोठ्या प्रमाणात वाढताना पाहून पाश्चिमात्य देशांच्या तुलनेत आशियामधील देशातील लोकांनी खूप आधीच आणि अगदी योग्य वेळेत मास्क वापरण्यास सुरुवात केली होती. या मास्कच्या वापरामुळेच कदाचित आशिया देशातील लोकांची अवस्था ही पाश्चिमात्य देशांपेक्षा कैक पटीने सुस्थितीत दिसते आहे. आज पाश्चिमात्य देशांत अशी वेळ आली आहे की, फेस मास्क, हॅंड ग्लोव्स आणि इतर वैद्यकीय साहित्य हे आम्हाला वैद्यकीय कर्मचा-यांच्या सुरक्षेसाठी राखून ठेवावं लागणार असल्याची विनंती सरकारला लोकांना करावी लागत आहे.
स्वत:ला व आपल्या कुटुंबीयांना कोरोनाच्या संभाव्य धोक्यापासून दूर ठेवण्यासाठी लोकांनी घरात बनवलेल्या मास्कचा वापर करून घराबाहेर जाणं टाळावं. आज तज्ञसुद्धा या गोष्टीला दुजोरा देताना दिसतायत की, शस्त्रक्रीया करताना डॉक्टर्सद्वारे वापरल्या जाणा-या मास्कचा वापर आशियातील लोक साधारण सर्दी आणि तापावर करतात. कोरोनावरही हे मास्क वापरणं चुकीचं नसलं तरीही ज्या लोकांना कोरोनाची बाधा झाली आहे त्यांनी हे मास्क वापरणं जास्त गरजेचं आहे, कारण त्यामुळे कोरोनाचा फैलाव रोखता येणं अधिक सोपं होईल. जेव्हा कोरोनाबाधित व्यक्तीमध्ये त्या आजाराशी निगडीत कोणतीही लक्षणं दिसत नसतात तेव्हाच तो एका व्यक्तीकडून दुस-या व्यक्तीकडे संक्रमित होत असल्याचे पुरावे आताच्या घडीला मोठ्या प्रमाणात आढळून आले आहेत. म्हणूच हे सिद्ध झालंय की, मास्क वापरल्याने कोरोनाचे संक्रमण आपण रोखू शकतो.
जपान सरकारने घोषित केलं आहे की, प्रत्येक घरात पुर्नवापर करता येण्यासारख्या मास्कचं एक जोडी वाटप करण्यात येईल. तर दुसरीकडे, हॉंगकॉंगमधील लोक स्वत: मास्क वापरण्यासोबतच परदेशात राहणा-या आपल्या इतर नातेवाईकांनाही गिफ्ट म्हणून मास्क पाठवत आहेत.
युनिव्हर्सिटी ऑफ हॉंगकॉंग स्कूल ऑफ पब्लिक हेल्थचे संचालक आणि क्लिनिकल प्रोफेसर किजी फुकुदांनी आपल्या मुलाखतीत वृत्तवाहिनी एएफीला सांगितले की, समाजातील प्रत्येक घटकातील लोकांना मास्क घातलेलं पाहून ते कोरोनाशी लढत असल्याची भावना जागृत होते आहे. तर, अमेरिकेत जिथे मी लहानाचा मोठा झालो तिथे मात्र मास्क वापरणाऱ्यांची संख्या कमी आहे. सर्वांनाच नाही पण ब-याच लोकांना मास्क लावायला सांगणं म्हणजे सरकारने त्यांच्या वैयक्तिक आयुष्यात केलेली ढवळाढवळ आणि जबरदस्ती वाटत आहे.
आशियातील ज्या भागात मास्कचा मोठ्या प्रमाणात वापर केला गेला तिथे कोरोनाबाधितांची आणि त्यामुळे मृत्युमुखी पडलेल्यांची संख्या आटोक्यात आहे. यामध्ये जपान आणि हॉंगकॉंगही सामिल आहेत. कोरोनाच्या पहिल्या टप्प्यातच सिंगापूरसारख्या अनेक ठिकाणी कोणात्याही आदेशाविनाच लोकांनी मास्क वापरण्यास सुरुवात केली. लोकांच्या या सतर्कतेमुळे कोरोनाच्या वाढत्या प्रादुर्भावास रोखण्यास मदतच झाली. सामान्य लोकांनी तर अगदी सुरूवातीपासूनच या आजाराशी लढण्यासाठी आरोग्य खात्याइतकीच दुर्दम्य इच्छाशक्ती दाखवली.
एकीकडे मास्कचा वापर केल्याने कोरोनाचे संक्रमण रोखण्यात यश आल्याचं किजी फुकुदा सांगत असतानाच युनिव्हर्सिटी ऑफ हॉंगकॉंग स्कूल ऑफ पब्लिक हेल्थचे एक प्रोफेसर बेन काउलिंगच्या म्हणण्यानुसार कोरोनाचे संक्रमण रोखण्याचे श्रेय मास्कला नाही तर त्या त्या देशातील सरकारने राबवलेल्या उपचार पद्धतीला जातं.
बेन पुढे सांगतात की, कोरोना सर्वत्र पसरू लागल्याबरोबर आशियातील अनेक देशांच्या सरकारने त्याचं संक्रमण रोखण्यासाठी कोरोनाबाधितांना वेगळं ठेवण्यापासून सामान्य लोकांमध्ये सोशल डिस्टन्सिंगबद्दल जागरूकता निर्माण केली.
काही तज्ञांच्या मते, मास्क घालणं हे सामान्य लोकांसाठी धोकादायक असू शकतं. युनिव्हर्सिटी ऑफ रीडिंगमधील सेल्युलर मायक्रोबायोलॉजीचे प्रोफेसर सिमोन क्लार्क यांच्या म्हणण्यानुसार, त्या वेळेस मास्क घालणे अधिक हानिकारक ठरू शकते जेव्हा सोशल डिस्टन्सिंगचे पालन न करणारे लोक मास्क घालून आता आपण कोरोना विषाणूपासून सुरक्षित आहोत अशा अविर्भावात वावरू लागतात.
क्लार्क पुढे म्हणतात की, मी त्या परिस्थितीची कल्पना करु शकतो जेव्हा बाधित व्यक्तीलाच त्याबद्दल जाणीव नसल्याने तो सोशल डिस्टन्सिंग न पाळता घराबाहेर पडेल आणि इतर लोकांमध्येही हे संक्रमण पसरवून येईल.
आपण याला असं समजू शकतो की, काही लोक सर्दीला सामान्य ठरवून आपल्यासोबत काम करणाऱ्या कर्मचाऱ्यांनाही संक्रमित करतात. पाश्चिमात्य देशातही सामान्य लोकांना मास्क घालण्यासाठी प्रोत्साहित केलं जात असलं तरीही तिथे मास्क आणि हॅंड ग्लोव्हसची कमतरता भासत आहे.
ऑस्ट्रेलिया आणि स्लोवेनिया हे देशसुद्धा आपल्याकडील लोकांमध्ये मास्क वापरण्यासाठी जागरुकता निर्माण करत आहेत. पण अमेरिकेतील एका उच्च वैज्ञानिक एंटनी फौसी या अधिकाऱ्याचे मत आहे की, सध्या मास्कचा पुरवठा कमी असताना सामान्य जनतेला मास्क घालण्याचा सल्ला देणं कोरोनाबाधित लोकांसाठी मोठी अडचण निर्माण करू शकतं आणि यामुळे इतर लोकांनाही या आजाराची बाधा होण्याचा धोका वाढू शकतो.
मोबाइल अॅप डाउनलोड करा आणि राहा अपडेट