मी मास्क वापरणार नाही : ट्रम्प
पुढे त्यांनी असंही म्हटलं की, ‘मी स्वतः मास्कचा वापर करणार नाही. तसंच तुम्ही मास्क वापरत आहात म्हणजे सोशल डिस्टन्सिंगच्या कठोर नियमांतून सवलत मिळाली, असा त्याचा अर्थ अजिबात नाही’. दरम्यान मास्क वापरण्यावरून ट्रम्प प्रशासनामध्येच दुमत असल्याचं दिसून येत आहे. तर दुसरीकडे लॉस एंजेलस आणि न्यूयॉर्क शहरात नागरिक स्थानिक अधिकाऱ्यांच्या सूचनांचं काटेकोरपणे पालन करत आहेत. अधिकाऱ्यांच्या आवाहनानंतर स्थानिकांनी आपला चेहरा कापडी आवरणाच्या मदतीनं झाकण्यास सुरुवात केली आहे.
(वाचा : Fight Against Corona : करोनाविरोधात लढायचं असेल तर वापरा 'फेस मास्क')
ट्रम्प प्रशासनात ‘मास्क’वरून मतभेद
खरेदीसाठी किंवा अन्य कामासाठी घराबाहेर पडणाऱ्या सर्व नागरिकांना मास्क वापरण्याच्या सूचना दिल्या जाव्यात, असे ट्रम्प प्रशासनातील काही अधिकाऱ्यांचं म्हणणं आहे. तर दुसरीकडे सर्वच नागरिकांना मास्क वापरण्याची सूचना दिली जाऊ नये, असंही प्रशासनातील काही अधिकाऱ्यांचं मत असल्याचं सीडीसीतील अधिकाऱ्यांनी सांगितलं. ट्र्म्प प्रशासनातील मतभेद जाहिररित्या समोर येत असल्याचं दिसत आहे.
(वाचा : करोना व्हायरसचा हवेतूनही प्रसार, बचावासाठी वापरा मास्क - अमेरिका)
ट्रम्प प्रशासनातील अधिकाऱ्यांचं काय आहे म्हणणं ?
- सर्व नागरिकांना मास्क वापरण्याचा सल्ला देण्याऐवजी जेथे करोना व्हायरसचा प्रादुर्भाव अधिक प्रमाणात आहे, राष्ट्राध्यक्षांनी यांनी तेथील नागरिकांनाच मास्क वापरण्याच्या सूचना द्यावात, असं ट्रम्प प्रशासनातील काही अधिकाऱ्यांचं म्हणणं आहे.
- मास्कच्या पुरवठ्यावर परिणाम होऊ शकतो.
- मास्क वापरणारे नागरिक आता सोशल डिस्टन्सिंगच्या नियमाचं पालन करत नसल्याचं आढळून येत आहे.
रोग नियंत्रण व प्रतिबंध केंद्राच्या (CDC) सूचना
देशातील कित्येक भागांमध्ये जलदगतीनं करोना व्हायरसचा प्रसार होत आहे. कित्येक परिसरातील रुग्णांची संख्या अद्याप समोर देखील आलेली नाही. अशा गंभीर परिस्थितीत मास्क वापरणं गरजेचं आहे. कारण या उपायामुळे विषाणूंचा प्रसार कमी होण्यास मदत होईल, असं सीडीसीतील अधिकाऱ्यांचं म्हणणं आहे.
‘फेसमास्कच्या वापरामुळे हवेतील विषाणू शरीरात प्रवेश करण्यापासून रोखण्यास मदत मिळत आहे’, अशी माहिती जर्नल नेचरमध्ये प्रसिद्ध करण्यात आलेल्या एका अहवालानुसार समोर आली आहे.
मोबाइल अॅप डाउनलोड करा आणि राहा अपडेट